உத்தரப் பிரதேசம்.

தலைநகரம் :லக்னௌ
மிகப்பெரிய நகரம் :கான்பூர்
ஆட்சி மொழி இந்தி, உருது
ஆளுனர் டி. வி. ராஜேஸ்வர்
முதலமைச்சர் மாயாவதி குமாரி
ஆக்கப்பட்ட நாள் 2 பிப்ரவரி 1950
பரப்பளவு 238,566 கி.மீ² மக்கள் தொகை (2001)அடர்த்தி 166,052,859 /314.42/கி.மீ²
மாவட்டங்கள் 70

இந்தியாவின் மாநிலங்களுள் ஒன்று உத்தரப் பிரதேசம் (Uttar Pradesh). இந்தியாவில் அதிக மக்கள் தொகை கொண்ட மாநிலம் இதுவே. லக்னௌ இம்மாநிலத்தின் தலைநகராகும். அலகாபாத், கான்பூர், வாரணாசி, ஆக்ரா ஆகியவை மற்ற முக்கிய நகரங்கள். இந்தி, உருது ஆகியவை இம்மாநிலத்தில் பெரும்பான்மையாக பேசப்படும் மொழிகள். இந்தியாவின் ஆறு பிரதமர்கள் (ஜவஹர்லால் நேரு, இந்திரா காந்தி, வி. பி. சிங், சந்திரசேகர், சரண் சிங், லால் பகதூர் சாஸ்திரி ) இம்மாநிலத்தில் பிறந்தவர்கள்.

புவியமைப்பு

இந்தியாவின் வட பகுதியில் அமைந்த மாநிலமான உத்தரப் பிரதேசம், இந்தியாவில் அதிக பரப்பளவு கொண்ட மாநிலங்களில் ஐந்தாம் இடம் வகிக்கிறது. உத்தரப் பிரதேசத்தின் அண்மையில் அமைந்த மாநிலங்கள் உத்தராகண்டம், இமாசலப் பிரதேசம், அரியானா, தில்லி, ராஜஸ்தான், மத்தியப் பிரதேசம், சட்டிஸ்கர், ஜார்க்கண்ட், மற்றும் பீகார் ஆகியவை. உத்திரப் பிரதேசத்தின் வடக்கில் நேபாள நாடு அமைந்துள்ளது. கங்கை, யமுனை ஆகிய பெரு நதிகள் உத்தரப் பிரதேசத்தின் வழியாக ஓடுவதால் இம்மாநிலம் செழிப்பாக உள்ளது. 2000ஆம் ஆண்டு உத்தராகண்டம் மாநிலம் உத்தரப் பிரதேசத்திலிருந்து பிரிக்கப்பட்டது.

மாவட்டங்களும் ஆட்சிப் பிரிவுகளும்

உத்தரப் பிரதேசம் 70 மாவட்டங்களாக பிரிக்கப்பட்டுள்ளது. இந்த 70 மாவட்டங்கள் 17 ஆட்சிப் பிரிவுகளுள் அடங்கும். இப்பிரிவுகள் பின்வருவன.
உத்தரப் பிரதேச மாநிலத்தின் தற்போதைய முதலமைச்சர் மாயாதேவி.
ஆக்ரா
அஸம்கர்
அலகாபாத்
கான்பூர்
கோராக்பூர்
சித்ரகூட்
ஜான்சி
தேவிபதான்
பைஸாபாத்
பரைச்
பரேலி
பஸ்தி
மிர்ஸாபூர்
மொராதாபாத்
மீரட்
லக்னௌ
வாரணாசி
சஹரன்பூர்

மக்கள் தொகை சமயம் பின்பற்றுவோர் விழுக்காடு
மொத்தம் 166,197,921 100%
இந்துகள் 133,979,263 80.61%
இசுலாமியர் 30,740,158 18.50%
கிறித்தவர் 212,578 0.13%
சீக்கியர் 678,059 0.41%
பௌத்தர் 302,031 0.18%
சமணர் 207,111 0.12%
ஏனைய 9,281 0.01%
குறிப்பிடாதோர் 69,440 0.04%

நன்றி மீண்டும் பயணம் தொடரும் ..